LEGAZPI CITY-Naaretar an sarong Tricycle Driver sa ikinasang drug buy-bust operation sa Mobo Masbate.
Segun kay Mobo Municipal Police Station Police Captain Luzanta Contreras, sa intrevista kan Bombo Radyo Legazpi, na binisto an suspek an si alyas “Julie”, sarong 26-anyos, tricycle driver, asin igwang live in partner.
Nagpapabakal suboot an suspek sa mga kataning na banwaan kun sain nadakop ini sa Mobo Masbate katuwang an an Philippine Drug Enforcement Agency Bicol.
Positibo man an suspek sa droga sa isinagibong laboratory examination kan mga otoridad asin nahahampang ini sa 2 kaso huli sa selling asin possession kaini na nagbabayolar sa Section 5 asin 11 kan Republic Act 9165 o an Comprehensive Dangerous Drugs Act of 2002.
Pagirumdom man kan otoridad sa publiko, na ipaaram sa sainda an mga nasa iligal na transaksiyon kan droga asin enkaso na igwang impormasyon an tulos na isumbong sa mga kapulisan.
