LEGAZPI CITY-Arestado an limang suspechado makalihis na makumpiskar kan mga otoridad an poco mas o menos ₱95,880 na kantidad nin shabu (crystal methamphetamine) hale sa sarong drug den sa Pili, Camarines Sur.
Nadakop an limang indibidwal kasunod kan pagsalakay kan mga otoridad sa pigtutubudang drug den sa Barangay Santiago, Pili, Camarines Sur, bandang alas 4:39 nin hapon kan Oktubre 7, 2026.
Maabot sa 14.1 grams kan pigtutubudang shabu, nagkakantidad nin ₱95,880, an nakumpiskar sa nasabing operasyon.
Piglansar an operasyon makalihis an impormasyon hale sa komunidad.
Pinangenotan man ini kan PDEA Camarines Sur Provincial Office, sa koordinasyon kan iba pang yunit kan PDEA asin kan Philippine Coast Guard.
Nahahampang ngonian an mga suspechado sa kasong pagbalgar sa Republic Act No. 9165, o Comprehensive Dangerous Drugs Act of 2002.
