LEGAZPI CITY – Nahilingan nin pagbabago kan Philippine Statistics Authority (PSA) an kabilugang poryento kan Employment rate, unemployment rate, asin labor force participation rate sa rehiyon kan Bicol.
Segun ki PSA Bicol Statistical Operation and Coordination Division Officer in Charge Ray Merjilla sa intrevista kan Bombo Radyo Legazpi na basado sa saindang datos na naghalangkaw sa 7.7% an employment rate sa rehiyon para sa bulan nin Hulyo 2025 kompara sa 6% kan Hulyo 2024.
Nagbaba man an unemployment rate sa 92.3% kan Hulyo 2025 kompara sa 94% kan kaparehong peryodo kan nakaaging taon siring man an nahiling na pagbaba kan labor force participation rate sa 56.7% kompara sa 60.8% kan Hulyo 2024.
Pwedesir suboot na naghalangkaw an employment rate asin nagbaba an unemployment rate asin labor force participation rate huli sa mga seasonal hiring o pagdagdag nin mga pa-trabaho partikular na pag-christmas season.
Pigtaram pa kan opisyal na pwedesir man ma-access kan publiko an mga naunambitang datus sa saindang mga social media pages asin sa website kan PSA central asin regional office.
Pig-enganyar man ni Merjilla an publiko na makisumaro sa saindang programa asin aktibidad urog na kun para an mga ini sa mga Local Government Unit asin estudyante.
 has requested changes in the overall percentage of Employment rate, unemployment rate, and labor force participation rate in the Bicol region.){kind=link}