LEGAZPI CITY-Nakisaro an nagkapirang youth advocates sa ipigsagibong hiro protesta sa Epifanio de los Santos Avenue (EDSA) kasunod kan anomalya sa flood control projects.
Segun kay Secretary General of Student Council Alliance of the Philippines Matthew Christian Silverio, sa intrevista kan Bombo Radyo Legazpi, na nagin matoninong an saindang protesta alagad pano nin dagit asin panindugan.
Nagtutubod man an alyansa asin iba pang progresibong grupo na an padagos na imbestigasyon kun sain kahon-kahon an mga kwartang pighahabon kan mga politiko an dapat na mga classroom, pagtugon sa mga kakulangan sa pasilidad asin para sa mga pangangaipohan kan mga estudyante asin kan mga namamanwaan.
Pigtawan doon man niya na an mga iskolar kan banwaan an pigpapaadal mismo kan mga tax kan taumbayan, alagad an suboot mga “nepo babies” an nakakakuwa kan yaman na saro suboot na kasusupgan alagad pinagyayabang pa ini.
Nanindugan man an grupo an dapat bako sana mga kontratista o opisyales kan Department of Public Works and Highways, kundi magin an mga senador asin kongresista na imbuelto digdi an dapat na mapanimbag man.
Kaipuhan man suboot na maipadagos an independent commission na pigsasangat kan Akbayan Partylist asin iba pang patido na siertong susuportaran kan mga organisasyon asin mga grupo nin kabataan.
Pangapudan man kan alyansa na maipasa na an “freedom of information rule” na dapat mahiling magin kan taumbayan an ipigpapaluwas na mga imbestigasyon, maski an SALN o Statement of Assets, Liabilities, and Net Worth ngani mahiling an saindang mga yaman.
Dapat man suboot na wara sindang ikatakot kun “legit” an saindang mga yaman alagad kun bako, an dapat na mag-duda an taumbayan.
Mientrastanto, kairiba an iba pang grupo asin organisasyon an magsasagibo sinda nin sarong “ghost campaign projects” kun sain dudumanon ninda an mga lugar kun sain kadakol na mga maanomalyang flood control bilang sarong pangapudan asin man an pagsasagibo ninda nin hiro protesta sa paagi nin sining kun sain iaanunsyo an lugar asin oras sa saindang mga social media.
