Binawi na kan defense team ni dating presidente Rodrigo Duterte an saindang kahagadan sa Appeals Chamber kan International Criminal Court (ICC) na i-disqualify si Prosecutor Karim Khan sa pag-asikaso kan kaso laban sa dating presidente.
Segun sa lead counsel ni Duterte na si Atty. Nicholas Kaufman, sa sarong dokumento na may petsang Agosto 15, wara nang rason na pagdudahan an imparsyalidad ni Khan o an saiyang pahayag na wara siyang conflict of interest manungod sa saiyang dating kliyente na suboot biktima kan war on drugs.
Idinagdag pa ni Kaufman na habo kan kampo ni Duterte na makaulang sa marahay na dalagan kan proseso sa paagi kan padagos na pagkontra sa partisipasyon ni Khan.
Inomaw ni Kaufman an Prosecutor sa pagiging bukas asin listo sa pagtao nin impormasyon makalihis na siya idesignar bilang abogado ni dating Pres. Duterte.
 to disqualify Prosecutor Karim Khan from handling the case against the former president.){kind=link}