Nangapudan si United States President Donald Trump sa mga nacion na miyembro kan International Criminal Court (ICC) na magbutas na o maghali na sa nasabing korte.
Inihayag ini ni Trump sa saiyang speech sa 81st United Nations General Assembly sa New York.
Pigduon kan US president na dae tutugutan kan Estados Unidos na maimbestigaran o malitis kan ICC an mga suldados na Amerikano.
Inapod man ni Trump an ICC na sarong institusyong “out of control” asin sarong “evil group of people.”
Marurumduman na haloy nang kritikal an administrasyong Trump sa ICC.
Kan Hulyo, nangapudan man si US Secretary of State Marco Rubio sa ibang mga nacion na umatras na sa nasabing tribunal.
Bako miyembro kan ICC an Estados Unidos asin dae kaini pigratipikahan an Rome Statute o an kasunduan na nagseserbing basehan kan pagbilog kan korte.
An ICC an nakabase saThe Hague, Netherlands na igwang mandato na litison an mga indibidwal na pig-aakusaran nin genocide, crimes against humanity asin war crimes.
