LEGAZPI CITY—Nagpapasalamat an Manito Municipal Police Station sa lokal na gobierno kan Manito sa saindang pagdonar nin tolong (3) unit nin cellular phones para sa 911 Five-Minute Response Team.
Segun ki Manito Municipal Police Station Officer in Charge Police Captain Victor Borjal, makakatabang an nasabing donasyon nganing tulos sindang makapag-aksyon sa laog nin limang minuto tuyong may emerhensya sa lugar.
Sa presente, an kalimitan suboot nindang pigrerespondehan an siring kan alarms and scandals asin mga aksidente sa tinampo.
Dugang pa kan opisyal na padagos man an saindang pagpapatrolya sa mga lugar kan nasabing banwaan.
Pangapudan man ni Borjal sa mga namamanwaan kan Manito na mawot maghagad nin tabang kan mga kapulisan na i-dial sa saindang mga cellphone an numerong 911 na bukas 24 oras asin laoman suboot na makakapagresponde sinda sa laog kan limang minuto.
