Kasado na an imbestigasyon kan Senado sa lakop na online gambling sa nasyon.
Papangenotan ni Senador Erwin Tulfo, bilang chairman kan Senate Committee on Games and Amusement an pagsusumite kan mga propwestong ley kontra online gambling sa maabot na Agosto 14.
Segun sa senador, nagpromesa siya na eenuton an pag-orolay kan mga nasabing bills huli ta pwedeng ikonsiderar na krisis an sitwasyon.
Tinawang-duon kaini na kinakaipuhan an tulos na aksyon ngani na masolusyunan an mga problemang may kinaaraman digdi.
Maski mawot kan Senador an total ban, dadangogon man giraray suboot kaini an paninindugan kan gobyerno, arog kan Philippine Amusement Gaming Corporation (PAGCOR) asin Department of Finance.
Hihilingon pa suboot niya an mga advantage asin disadvantage kan pagbawal kan online gambling.
Tinawan duon kan senador na wara nin regulasyon, kun kaya an mga tawo nagsusugal nin warang limit asin wara nin kontrol kun gurano an itaya sa siring na sugal.
Kinakaipuhan na timbangon suboot kun arin an mas importante iyo an ganansya sa sugal o an negatibong epekto kaini sa sosyudad.
Pag-uulayan kan Senate Games and Amusement Panel an apat na ley, tolong resolusyon, asin sarong privilege speech manungod sa online gambling.
