LEGAZPI CITY – Karsel an bagsak kan duwang pigkokonsiderang mga most wanted sa ciudad kan Ligao na nahahampang magka-ibang kaso.
Segun ki Ligao City Police Station Deputy Chief of Police Police Major Alex Matienzo sa intrevista kan Bombo Radyo Legazpi na binisto an mga suspetsado na si alyas “Alex”, 45 anyos, may agom asin sarong construction worker na may kasong Acts of Lasciviousness.
Mantang an saro mang suspetsado iyo an si alyas “Chad”, 40 anyos, may agom asin warang trabaho na nahahampang sa mga kasong pagbayolar sa Anti-Violence Against Women and Their Children Act.
Huli sa naunambitang trayumpo an magigin panatag na man suboot an mga namamanwaan an pagkakadakop kan mga suspetsado.
Sa presente an nasa kustodiya na kan Ligao CPS an mga suspetsado para sa magkakanigong disposisyon.
Pagdoon pa ni Matienzo na gigibuhon ninda an gabos nganing matawan nin proteksyon an saindang nasasakupan.
![Pinterest](https://pinterest.com/pin/create/button/?url=https://legazpi.bomboradyo.com/2-most-wanted-sa-ciudad-kan-ligao-na-nahahampang-magka-ibang-kaso-arestado/&media=https://img.bomboradyo.com/legazpi/2025/07/ARESTADO-696x392-1.webp&description=Two of the most wanted persons in Ligao City who are facing different cases are in jail. According to Ligao City Police Station Deputy Chief of Police Major Alex Matienzo in an interview with Bombo Radyo Legazpi, the suspects were identified as alias "Alex", 45 years old, married and a construction worker with a case of Acts of Lasciviousness.){kind=link}