Piglalaoman na malangkaw hasta 18% an global price kan bagas sa masunod na taon huli sa human kan El Niño.
Segun sa Business Monitor International (BMI), lubos na maaapektaran kan matinding El Niño an pag-ani kan bigas sa mga pangenot na nacion Asya asin makakadisturbo sa planting cycles.
Piglalaoman na mamamatean an paglangkaw kan presyo kan bagas sa enot na kwarter kan 2027.
Mientrastanto, ipigtaas na man kan BMI an 2026 price forecast kaini poon sa $12.90 huli sa makusog na price momentum sa ikatolong kwarter kan taon, kun sain masakat sa pinakahalangkaw na antas sa laog kan 29 bulan an presyo kan bagas na uminabot sa $17.80 ngonian na Oktubre.
Segun man sa Department of Agriculture, pwedesir mabawasan an produksyon kan bagas sa nacion nin 700,000 hasta 1 milyong metric tons huli sa El Niño, na pwedesir magresulta sa pagkalugi na maabot sa P20 bilyon sa irarom kan pinakamalalang sitwasyon.
