LEGAZPI CITY-Pinaglalaoman man an power interruption sa nagkapirang mga lugar sa Albay segun iyan sa Albay Electric Cooperative Incorporated (ALECO).
Segun kay ALECO Spokesperson Anj Galero, sa intrevista kan Bombo Rayo Legazpi, an enot na schedule kan power interruption, ngonian na hulyo 8, maapektaran an Tabaco feeder 3 partikular na an Malilipot asin Bacacay.
Huli ini sa mga replacement kan mga damages sa insulator asin right of way na magigin epektibo sa oras na alas 9:00 nin aga hasta 5:00 nin pagkahapon.
Sa maabot na Hulyo 9, magkakaigwa nin power interruption sa washington feeder 3 kung sain maapektaran an Peña francia asin Dela paz para sa naman sa mga rehabilitasyon, na maghahaloy poon alas 8:00 nin pagkaaga sundong alas 5:00 nin hapon.
Ika-3 schedule kan power interruption sa Malinao Feeder 2 sundong Sogod Recloser Coverage Area, kung sain maapektaran an mga barangay kan nagkapirang lugar kan tiwi, para sa right of way clearing alas 8:00 nin pagkaaga hasta alas 5:00 nin hapon sa maabot na Hulyo 10, 2025.
Pighahagad man kan opisyal an pagsabot kan gabos huli sa kaipuhan gibuhon a nmga ini para dai nang mga damages sa mga ekepahe.
