LEGAZPI CITY- Panibagong pasanin na naman an maeeksperyensyahan kan mga konsumidores kan kuryente sa provincia kan Albay.
Ini makalihis i-anunsyar kan Albay Electric Cooperative Inc. an paglangkaw sa singil sa kuryente ngunyan na bulan nin Agosto.
Para sa mga nasa mainland, nasa P13.4533 kada kilowatt-hour an magigin singil sa konsumo nin kuryente.
An mga nasa residential man an nasa P12.4729 kada kilowatt-hour para sa mga low-voltage users asin P10.4084 kada kilowatt-hour sa mga high-voltage users.
Afuera digdi, an mga nasa isla man an magigin P11.0514 kada kilowatt-hour an singil sa residential consumers asin P10.4828 kada kilowatt-hour para sa mga low-voltage users.
