Plano kan Department of Social Welfare and Development (DSWD) asin National Council on Disability Affairs (NCDA) na puonan an pagbarewas nin unified I.D. system sa Oktubre 2025.
Segun ki DSWD Assistant Secretary for Information and Communications Technology and Chief Information Officer, Johannes Paulus Acuña, pupuonan muna ini sa nagkapirang mga piling lokal na gobierno.
Ngunyan na bulan nasa irarom na suboot kan ‘internal pilot testing stage’ an ahensya bilang pagpreparar sa actual roll out kan mga nasabing ID.
Sa irarom kan nasabing stage, hihilingon kun pano mas magigin epektibo an paggamit sa bagong ID system kan mga PWD.
Binilog an bagong ID system nganing masimbagan an suboot pagkalat nin mga pekeng PWD IDs na dati nang ipigreklamo sa mga nakaaging bulan.
Sa mga masunod na bulan, magpapadagos an testing stage sagkod sa dagos nang puonan na an pagbarewas kaini sa Oktubre.
Mantang nangyayari an testing, nakikipagtabangan man an DSWD sa Department of Information and Communications Technology nganing maparikas an security feature kan mga bagong ID.
Kaiba sa mga kalakip kaini an mas maayos na verification system para sa mga PWD ID holder sa paagi kan Philippine Identification System database.
Igwa man ining quick-response o QR code nganing mas marikas na mabisto na lehitimo an ID.
Sa mga ma-apply na PWD, kaipuhan muna sindang magpahiling nin national ID.
