LEGAZPI CITY-Ikinaogma kan Philippine National Polioce Bicol an pagbisita ni PNP chief Nicolas Torre III sa Sorsogon.
Segun kay Regional Director Police Brigadier General Andre Dizon sa intrevista kan Bombo Radyo Legazpi, nagin matrayumpo an pagbisita kan nasambitang PNP chief sa saindang edipisyo asin opisina kan Sorsogon Police Station.
Enot na isinagibo suboot an inaguration asin an pag-breach kan multi-purpose building kan saindang station.
Kairiba man sa nasambitang aktibidad an presenteng Senate President na Chiz Escudero, Mayor Ester Hamor, asin an iba pang opisyales sa Sorsogon.
Isinabay man suboot kan PNP chief sa saiyang pagbisita an saiyang command vist asin conference kung sain nagpartisipar an manlain-lain na provincial directors asin chief of police sa kumunidad.
Naghagad man nin compliance an PNP chief sa PNP Bicol mapadapit sa saiyang programa na 5-minutes response time kan mga kapulisan.
Pigsierto man kan Sorsogon Police Station an seguridad asin nakatutok man suboot sinda sa pagresponde sa bilog na ciudad.
Dagdag pa nin Dizon, na magayon an programa kan PNP chief huli sa pigagamit kaini an 911 hotline ngani matawan nin atensiyon an mga kaipuhan an emerhensiya.
An press 1 sa 911 hotline nagreresponde para sa mga asistensiya, pag press 2 naman, para sa mga kasulo, asin an press 3 para sa iba pang mga concern.
Nagooperar na suboot an nasambitang hotline sa 7 ciudad sa rehiyon kan Bicol , kairiba na an 3 lugar sa Albay, an Legazpi, Ligao asin Tabaco.
Kairiba man an ciudad kan Iriga, Camarines Sur, Masbate, Sorsogon, asin Naga.
Mientrastanto, saro an Bicol sa enot na binisita kan PNP chief asin nagpapasalamat man an opisyal sa pagbisita kaini sa Sorsogon
