Niyanig nin 7.0 magnitude na linog an northern Tibet kasuodma, Oktubre 22, alas-10:33 nin banggi, sa Maru township, Baqen County, Nagqu City.
An epicenter nasa 191 kilometros east-northeast kan Nagqu asin 390 kilometros hali sa capital na Lhasa, na may rarom na 10 kilometros.
Kumpirmadong 16 katao an gadan mantang 54 an lugadan, 11 digdi an nasa kritikal na kondisyon segun sa Xinhua asin Nagqu emergency bureau.
Dai mababa sa 339 na harong an nagbagsak asin 20 livestock shelters an naraot, kaibahan an pagbatak kan mga pader sa township office.
Pansamantalang isinara an National Highway 317 huli sa rockfalls asin sinuspende an biyahe kan tren sa lugar.
Poco mas o menos 12,489 na residente an pinalikas mantang 1,600 na rescuers asin 300 na pulis an ipinadara sa high-altitude area na 4,864 meters.
Ini an pinakamakusog na linog sa China poon Enero 2024 asin pinakamakusog sa rehiyon sa laog nin limang taon.
