LEGAZPI CITY-Pinagaadalan na kan scientist asin lokal na gobierno kan Nepal an nagin kawsa kan biglaang pagragasa kan tubig baha, na inapod nindang “mountain tsunami” sa Nepal.
Segun kay Bombo International Correspondent in Nepal International Centre for Integrated Mountain Development Senior Communications Officer Vanessa Villegas sa ekslusibong intrevista kan Bombo Radyo Station, na pighihiling na asin pinag-aadalan kan mga scientist asin espesyalista kun ano an nag-trigger sa pagbabaha sa nasambitang lugar.
Basado sa huring report, na-postpone muna an pigsasagibong rescue operation sa Tibet sa parte kan China mantang padagos an operasyon kan mga otoridad sa Nepal downstream.
Saro suboot an nasabing lugar sa economic bay kan Nepal asin China kun sain kadakol na mga produkto an nag-aagi. Siring man igwang pilgrimage route digdi kan mga hindu na pasiring sa Tibet side kan China.
Sinabi ni Villegas na ini an rason kun nata kadakol na mga foreigners, kaibanan an mga indian nationals, mga turista asin hikers, an presenteng nawawara.
Sa presente, may kadifisilan man suboot an pag-move kan mga rescuers sa mga nakuang hawak asin an paglaog kan mga relief goods mantang kadakol pa an nagtetenir sa nasabing lugar.
Posible pa suboot na magdakol an numero kan mga nawawara mantang padagos an asistensya kan nepal government sa mga apektadong pamilya asin komunidad.
