LEGAZPI CITY – Nagpa-otob na an Albay Electric Cooperative nin bawas singil sa kuryente ngonian na Hunyo sa presenteng taon.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na sa kabilugan na singil an nagka-igwa nin pagbaba na haros P0.22 para sa mga residential asin low-voltage na miembros-konsumidores mantang nagbaba man nin haros P0.24 an singil para sa mga high-voltage na konsumidores kun ikukumpara kan nakalihis na bulan.
Ipapaotob man sa mainland residential an haros P9.15 per kWh, P 8.17 per kWh man para sa mainland low voltage asin P6.85 per kWh man an magigin singil para sa mainland high voltage.
Siring man na ipapaotob sa Island residential an haros P11.02 per kWh asin P10.48 per kWh man para sa Island low voltage.
Pigtaram pa kan opisyal na nagkaigwa nin pagbaba sa presyo kan kuryente huli sa pagbaba man kan presyuhan kan Wholesale Electricity Spot Market (WESM) asin an ipinaotob man na over and under adjustments.
Enkasong mang magtaas an WESM sa masunod na bulan an pwedesir na magtaas man an saindang pagsingil sa kuryente.
Dapat man suboot na ipagpadagos an responsableng paggamit nin kuryente nganing diit sana an saindang babayadan asin mamantenir an siring kaining presyuhan.
Pangapodan ni Galero sa saindang miembros-konsumidores na magbayad nin bill sa kuryente nin tamang oras nganing malikayan ninda an line disconnection.
