Nagpapadagos an Israel sa agresibong opensiba kaini sa Gaza, na may obhetong kontrolin an bilog na teritoryo kan Palestinian enclave.
Inilunsar kan Israeli Defense Forces an “Operation Gideon’s Chariots,” na obhetong durugon an Hamas asin palayaon an mga bihag.
Kasabay kaini, pinatanidan an mga residente kan Khan Younis na ebakwar pasiring sa kanluran bilang preparasyon sa piglalaomang matinding pag-atake.
Huli sa naglalalang krisis sa pagkaon, nagtugot an Israel na maglaog nin limitadong suplay nin pagkaon asin gatas para sa mga omboy, makalihis an matinding pressure hale sa mga kaalyado arug kan Estados Unidos.
Siring man, mantinidong sarado an mga boarder para sa tubig, bulong, asin iba pang importanteng pangangaipuhanan, mantang labi sa 53,000 na an naireport na nagadan sa Gaza poon kan Oktubre 2023.
Sa ibong kan mga pangapodan para sa tigil-putukan, ipinahayag ni Netanyahu na magtetenir an Israel sa Gaza nganing syertuhon suboot an seguridad asin dagos na mapabagsak an Hamas.
