LEGAZPI CITY – Preparado na an mga opisyales kan Barangay 64-Bagacay, Legazpi City pirang oras antes an nagdadangadang na 2025 Midterm Election.
Segun ki Kapitan Dennis Alamo sa intrevista kan Bombo Radyo Legazpi na nailatag na ninda an saindang mga barangay police asin mga barangay health worker nganing magtao nin asistensya sa mga botante.
Nakahanda na man an mga eskwelahan na gagamiton bilang voting centers asin may mga nakaposte nang tanod nganing magbantay sa mga Automated Counting Machines.
Sa kada masapit suboot an pirilian, mawot nindang tutukuan an bisinidad kan voting centers urog nang pagbanggi nganing masawata an mararaot na elemento.
Pangapodan ni Kapitan Alamo sa saiyang residente na aprobitsaran an early voting hours partikular na an bados, may kamatean, Person with Disability asin mga Senior Citizen.
