LEGAZPI CITY- Naimbwelto sa aksidente an duwang motorsiklo asin sarong hilux pick up sa Barangay Sogoy sa banwaan kan Castilla, Sorsogon.
Marikas man na nagrespunde an mga personahe kan Castilla Municipal Disaster Risk Reduction and Management Office ngani na matawan nin medikal na tratamento an mga biktima.
Napag-araman na nagsapar nin injuries an mga motorista huli sa insidente.
Piglapatan an mga ini nin first aid antes na idalagan sa ospital.
Katakod kan nasabing aksidente, liwat na nagpagirumdom an mga otoridad sa publiko na doblehon an paglilikay ngani na maibitaran an anuman na dae pinaglalaoman na insidente.
