Nagluwas nin show cause order an Supreme Court (SC) na nag-susugo sa pirang halangkaw na opisyal kan gobyerno na ipaliwanag kung ngata dae dapat magluwas nin writ of habeas corpus kay dating Presidente Rodrigo Duterte nganing makabalik sa Pilipinas.
Kun saen an nasa kustodiya si Duterte kan International Criminal Court (ICC) sa The Hague, Netherlands, huli sa mga kasong crimes against humanity.
An nasambitang petisyon an napag-araman na isinunad ni Davao City Rep. Paolo ”Pulong” Duterte, na nagmamawot nin pagpapalaya sa saiyang ama sa paagi kan writ of habeas corpus.
Pinagsaro man kan Korte Suprema an petisyon ni Rep. Duterte sa mga isinunad kan saiyang mga tugang na sinda Sebastian asin Veronica Duterte, na nag-file man kan saindang kan Marso 12.
Nagdesisyon an SC En Banc na pigsugo an mga respondents nin mga pinagsarong mga petisyon na magpahiling nin rason sa laog kan 24 oras poon kan maresibi an abiso kun ngata dae dapat mailuwas an writ of habeas corpus.
An writ of habeas corpus an sarong legal na kasuguan na nag-susugo sa mga tawong nagtatago nin sarong indibidwal asin i-eksplikar an mga rason kan saiyang pagkakakulong.
 paid for the chartered plane used to bring former President Duterte to The Netherlands.){kind=link}