LEGAZPI CITY – Gadan an sarong 81-anyos na paraooma makalihis na makuryente sa luwas mismo kan saiyang harong sa Sitio Lantad, Purok 3, Barangay Caratagan, Pioduran, Albay.
Segun ki Pio Duran Municipal Police Station Investigator Police Staff Sergeant Adam Onoya sa intrevista kan Bombo Radyo Legazpi na pigmidbid an biktima na si Emelio Ramos, na solong nakaistar sa saiyang harong huli ta may mga pamilya na an saiyang mga aki.
Susog sa saindang inisyal na imbistigasyon, natikmakan suboot kan biktima an nakalaylay na kable nin kuryente sa luwas kan saiyang harong mantang ini naglalakaw.
Naipaaram tulos sa barangay an insidente nin huli ta tulos man nahiling kan saiyang kapitbahay na nakukuryente na an biktima.
Pigtaram pa kan opisyal na hasta sa matapos an saindang imbestigasyon, an wara sindang nahiling na indikasyon na may nangyaring foul play sa pagkagadan kan biktima.
Huli digdi, dae na man nagtugot an pamilya kan biktima na isairarom autopsy an bangkay kan biktima.
Padagos an pangapodan ni onoya asin kan saindang hepatura sa lambang saro na mag-ingat sa mga kable nin kuryente na puwedeng magdara nin peligro asin huma sa saindang mga buhay.
