Ipighayag kan Bureau of Customs (BOC) na nahilingan nin problema sa import documents an dae mababa sa walong behikulo na konektado kay dating Ako Bicol party-list Rep. Zaldy Co.
Segun ki BOC Commissioner Ariel Nepomuceno, nagluwas sa paenot na report na may isyu sa mga certificate of payment asin import entries kan mga behikulo.
En kaso naipaotob na an warrant of seizure and detention, ipasusubasta na suboot an walong behikulo.
Enot nang ini-report kan Philippine National Police–Highway Patrol Group na saindang nakumpiskar an 14 luxury vehicles ni Co hale sa saiyang condominium sa Taguig City asin duwa pa hale sa saiyang property sa Albay.
An nagkapira sa mga digdi an nagtitinir sa opisina kan Independent Commission for Infrastructure (ICI) sa Taguig.
Magigiromdomang nahahampang si Co sa kasong graft asin malversation katakod kan maanomalyang flood control project sa Naujan, Oriental Mindoro.
