LEGAZPI CITY—Maabot na sa 66,000 na pasteurized milk an nadistribuir kan Albay Dairy Plant sa mga partner elementary schools sa banwaan kan Camalig, Albay.
Segun ki Albay Dairy Plant Manager Ninivie Latigay, sa intrevista kan Bombo Radyo Legazpi, na sa ngunyan saro pa sanang munisipyo an saindang natawan alagad nagmamawot sinda na sa masunod na mga school year makakua pa sinda nin mas dakol na lugar para sa saindang programa.
Sa ngunyan an saindang target an maabot sa 2,652 na learner-beneficiaries sa 33 elementary schools sa nasambit na banwaan.
Dugang kan opisyal na bago pa magpuon an feeding program, an Department of Education an nagmimidbid kan mga learner-beneficiaries na makakaresibe kan pasteurized milk kun saen an saindang target iyo an mga malnourished na mga kaakian.
Pigtaram kaini na sa sarong semana duwang beses sindang nagde-deliver sa mga eskwelahan.
Pig-asigurar man na nasa maray na kalidad asin ligtas an gatas bago ini ipigdistribuir sa mga kaakian.
