LEGAZPI CITY — Wara nang buhay kan madiskubre an hawak kan sarong 6-anyos na aki sa sarong kalot sa Brgy. Puro Ssa ciudad kan Legazpi na pigtutubudan na nalamos.
Nagluluwas sa imbestigasyon kan mga otoridad na kaibanan kan aki an onse anyos na tugang kaini asin mga pinsan tangarig na magkarigos sa lugar alagad bigla na sana suboot ining nawara.
Ipinasipara sana kan mga pag-iriba an pagkawara kaini alagad kan hanapon na kan ama saka sana naobserbaran na wara man ini sa harong.
Igwa man na nakapagtao nin impormasyion dapit sa nadiskubreng hawak kan sarong aki sa nasambit na kalot kun saen mamundong kinumpirmar kan ama na ini an pighahanap.
Binalo pang idalagan sa ospital an biktima alagad ipigdeklarar na dead on arrival.
Napag-araman na dating sa Perlite Mining an nasambit na luho kun saen pigtutubudan na aksidenteng nahulog asin nalamos an 6-anyos na aking lalaki.
