Nag-abot sa 45 Palestinians an nagadan sa magdamlag na military operations kan Israel sa Gaza.
Segun sa Palestinian Red Crescent Society, nasa 25 katawo an binawian nin buhay makalihis na tamaan nin shells hali sa tangke an mga tent house sa Mawasi.
Nasa 50 iba pa an nalugadan na kadaklan an mga kaakian na nagtatago sa lugar ngani na makadulag sa nangyayaring gera.
An iba pang biktima an hali sa ciudad nin Rafah na sentro ngunyan kan operasyon kan Israel.
Sa ibong kan pagsugo kan United Nations nin ceasefire sa Gaza, padagos man giraray an pag-atake kan Israel kung sain may mga nadadamay ng sibilyan.
