Nag-abot sa 210 na mga Palestinians an nagadan sa inilunsar na mahiwasang raid kan Israel sa Gaza.
Segun kay Rear Admiral Daniel Hagari an tagapagtaram kan Israel military, naglunsar nin operasyon an saindang pwersa sa al-Nuseirat ngani na palayaon an mga hostages na kaiba sa nakidnap kan Hamas kan Oktubre kan nakalihis na taon.
Pag-abot sa lugar tulos na pinauranan nin bala an mga suldado kan Israel kung kaya nagbalos ini nin putok asin naghagad nin tabang sa airstrikes.
Nasa 100 na Palestinians an kinumpirma kan Israel na nagadan sa operasyon, alagad harayo ini sa death toll na ipinaluwas kan Gaza Health Ministry na nag-aabot sa 210.
Naging matrayumpo man an operasyon makalihis na marecue kan Israel Defense Forces an apat sa mga Israelis na naibalik na ngunyan sa saindang mga kaparientes.
Alagad mahigot na kinondena kan Health Ministry an nasabing raid lalo pang kadakol sa mga nagadan an mga kababaihan asin kaakian.
May mga nagluluwas pa na report na nagkapira sa mga nagadan an mismong mga hostages.
