LEGAZPI CITY- Nangangapudan nin tabang an pamilya kan sarong 18-anyos na binatilyo makalihis ining bawian nin buhay sa nangyaring kasulo sa Sitio Lubas, Barangay Boton sa banwaan kan Casiguran, Sorsogon.
Segun ki Casiguran Municipal Fire Marshal Fire Senior Inspector Maria Celester Pancho sa intrevista kan Bombo Radyo Legazpi na nagluwas sa saindang imbestigasyon na posibleng tinuyo kan biktima na suluon an nasabing harong.
Pag-istorya kaini na haloy ng nagpapahiling nin senyales nin depresyon an nasabing biktima.
Napag-araman na antes an insidente, duwang bes ng binalo kan nasabing binatilyo na suluon an saindang harong alagad napugulan ini.
Sa ika-tulong bes, dagos na suboot na natumpos an harong na ikinagadan kan biktima.
Basado sa pahayag kan mga kapitbahay na nakahiling kan insidente, bukas man suboot an harong alagad dae nagluwas an nasabing binatilyo kan nasusulo na ini.
Mientras tanto, wara ng iba pang nadamay sa insidente.
Sinabi ni Pancho na pigkakarkulong nasa P240, 000 an danyos sa nasabing kasulo.
Sa presente pighahalat na sana suboot an nagkapirang mga dokumentos ngani na maideklarar na case close an insidente.
