LEGAZP CITY-Pigkakarkulong nasa 500 hasta 600 na pamilya o humigit-kumulang 1,800 indibidwal an naapektaran makalihis magsiklab an dakulang kasulo sa sarong residential area sa Lower Barangay San Antonio, Parañaque City kan Miyerkules.
Susog sa Bureau of Fire Protection (BFP), uminabot sa Task Force Alpha alarm an kasulo, indikasyon kan mahewas asin makaskas na pagkalat kan kalayo asin nangaipohan nin humigit-kumulang 24 fire trucks ngani maapula.
Nai-report man an duwa katawo na nairido asin tulos na natawanan nin atensyong medikal, mantang sarong babae man an nawaran nin malay huli sa insidente.
Nasa P900,000 an kantidad kan danyos sa lugar asin labi 100 istruktura an naraot.
Segun kay Barangay San Antonio Disaster Risk Reduction and Management Office (DRRMO), posibleng nagpoon an kasulo sa likod kan saro sa mga kaharongan, alagad presenteng pighahalat pa an pinal na imbestigasyon kan BFP.
