LEGAZPI CITY- Nakaresibe na nin tabang galing sa Department of the Interior and Local Government package assistance an 11 former rebels kan Albay sa irarom kan programang e-clip o Enhanced Comprehensive Local Integration Program kan probinsya.
Segun kay Ma. Vivien Cea an Albay Provincial Social Welfare and Development Officer sa naging intrevista kan Bombo Radyo Legazpi, igwang maabot sa 17 dating mga rebelde ngunian na taon sa Albay na nagbalik-loob na sa gobyerno na pigtatabangan sa paaagi kan e-clip.
Nasa proseso naman suboot an iba pang mga dating rebelde na dae pa nakakakua kan saindang asistensya kun saen kaipuhan pang makompleto an saindang mga dokumentos na kinakaipuhan maisumetir.
Sa isinagibong duwang meeting na pinangenotan kan PSWD, pig- urulayan kan mga stakeholders kun ano an iba pang mga serbisyo na pwedesir na maitaong tabang sa mga former rebels.
Segun pa sa opisyal, naglaan nin 10,000 pesos an Probinsya sa kada saro na former rebels na pwede nindang magamit para sa panghanapbuhay.
Mientrastanto, huli sa padagos na pagtaong asistensya kan lokal na gobyerno sa mga former rebels, namamatian man suboot kaini an pagiging seryuso kan gobyerno asin nahihiling na igwang oportunidad na naghahalat para sa sainda.
Pangapudan man kan opisyal sa natatada pang mga rebelde na magbalik loob na asin maibalik na an pagtubod kaini sa gobyerno.
