Dapat magbalik sa Pilipinas si dating Ako Bicol Partylist Rep. Zaldy Co kun seryoso siyang magtestigo sa impeachment complaint na isinangat laban ki Presidente Ferdinand Marcos Jr.
Segun ki House Committee on Justice Chairperson Gerville Luistro, sa ibong kan igwang deretso an siisay man na magtestigo, dapat magsunod sa mga regulasyon kan committee.
Tinawang-duon ni Luistro na dapat “under oath” an witness asin personal na maghampang sa hearing huli ta dae pigtutugutan an testimonya via teleconferencing o digital means sa irarom kan House rules.
Si Co, na suboot yaon sa Portugal, nahahampang sa sarong mandamiento de aresto katakod kan maanomalyang flood control project sa Oriental Mindoro.
Segun ki Luistro, sa ibong kan pigkokonsiderar siyang pugante, dae pa man syerto kun disqualified bilang testigo si Co, alagad kaipuhan na hampangon kaini an peligro na maarestar oras na makabalik sa nasyon nganing magsumpa sa hampangan kan komite.
