Nagpaluwas nin ika-tulong global situation report an World Health Organization (WHO) katakod kan nagtitinding kariribukan sa Middle East.
Basado sa report, alagad igwang duwang semana na ceasefire sa Iran, nagtetenir na kritikal an sitwasyon sa Lebanon asin iba pang mga nacion.
Nagdakol an mga pag-atake sa mga ospital, ambulansya, asin health workers na nagkakawsa nin dakulang danyos sa health system asin pagbayolar sa international humanitarian law.
Nairehistro man kan WHO an apat na pagsakyada sa mga pasilidad kan desalination sa Iran, Bahrain, asin Kuwait.
Huli ta naglalaom an nagkapirang nacion sa Middle East nin 70–100% kan saindang inumon na tubig hali sa desalination, nagkakawsa ini nin peligro sa water shortages, hospital shutdowns, asin outbreak nin waterborne diseases.
Alagad nagtetenir na makusog an global supply kan medical commodities, nadidifisilan an paghatod nin humanitarian health supplies huli sa airspace restrictions asin naglalangkaw na transportation costs.
Kaibanan sa pangenot na huma sa salud an trauma asin injuries, pagka octaba kan non-communicable disease care, limitadong access sa health services para sa mga displaced persons, peligro sa paglakop nin helang sa mga shelters, asin exposure sa radiological, nuclear, asin industrial chemical risks.
Dagdag pa digdi, naglalala an pangangaipo sa mental health asin psychosocial support huli sa kadahasan, displacement asin psychological distress.
Bilang kasimbagan, aktibo an WHO sa pagmapa katabang an health risks sa rehiyon, kaibanan an epekto kan population displacement asin direktang pag-atake sa critical infrastructure.
