LEGAPZI CITY-Nilinaw kan Land Transportation Franchising and Regulatory Board (LTFRB) Bicol na bako madalian an pagtao kan ayuda kan gobierno para sa transport groups.
Segun kay LTFRB Bicol Director Joel Defeo, sa intrevista kan Bombo Radyo Legazpi na kinakaipuhanan pag-obserbar sa accounting procedures bilang parte kan proseso asin kaipuhan an kwarta.
Nakapagtao na man sinda nin ayuda kan Mayo 6-7 sa paagi kan Assistance to Individuals in Crisis Situations (AICS) na nakatabang sa haros 4,000 na drivers sa probinsya.
Pig-spread suboot kan opisyal an payout ngani dai makaulang sa pag-biyahe kan mga drivers.
Alagad sa ngonian, kinakaipuhan suboot na i-validate kan ahensya an mga drivers huli ta na-dodoble an mga ini.
Padagos man nindang pigbeberipika kun nakalista sinda sa mga kooperatiba, kun sain nakabase an saindang listahan.
Tinawan doon man kan opisyal na kun i-validate an mga ini, bako suboot gabos na driver, operator kaya an iba minsan bako miembro kan kooperatiba.
