Pumutok ang opensa kan Golden State Warriors makalihis kaining tambakan ang Los Angeles Lakers sa opensiba kan NBA pre-season games sa pinal na score na 124-98.
Tulos na nagpasiklab ang Warriors sa enot na kwarter pa sana kan magrehistro ini nin 45 puntos laban sa 31 puntos kan Lakers, antes dagos na pinalawig ang saindang kalamangan sa 28 puntos sa pagtatapos kan first half kan kawat, 81-53.
Mantang nagkawat sana nin 14 minuto si Stephen Curry, nakapagrehistro man liwat ini nin 16 puntos kaiba an tulong 3-pointers, mantang nangenot man ang rookie na si Yaxel Lendeborg na nag-ambag nin 17 puntos asin siyam na rebounds para sa Golden State.
Sa lado kan Lakers, kinapitan kan koponan ang bagong sentro na si Sandro Mamukelashvili na nagkamada nin 15 puntos asin sarong block nganing pangenot an saindang iskoring sa tahaw kan kabiguan.
Nakatalaang magpuon ang opisyal na NBA 2026-2027 Regular Season sa Oktubre 21, 2026 sa paagi kan sarong tripleheader match na tatampukan kan mga laban kan New York Knicks, San Antonio Spurs, Detroit Pistons asin iba pang mga koponan.
