LEGAZPI CITY-Boluntaryong nagsuko sa pulisya an sarong wanted person na residente kan Brgy. Gamot, Polangui, Albay.
Binisto ini na sarong 31-anyos na babayi asin suminuko huli sa ipinaluwas na Warrant of Arrest laban saiya sa irarom kan Polangui MPS.
An nasambitang warrant, para sa saiyang kasong pagbayolar sa Sec. 10 (A) kan RA 7610 o an Special Protection of Children Against Abuse, Exploitation and Discrimination Act na igwang rekomendadong piyansa na nagkakatindad nin P40,000.
Binasahan nin direchos pang-konstitusyonal an suspek asin isinairarom sa medical examination sa Ligao City bago inilaag sa detention facility.
Basado sa datos kan pulisya, warang ibang warrant an suspek asin presenteng nasa kustodiya na kan Polangui MPS para sa kaukulang disposisyon.
