Makalihis an mainitang simbagan ninda Vice President Sara Duterte asin Senadora Risa Hontiveros sa pagdangog kan Senado, ipigladawan ni VP Sara an saiyang sadili bilang “very cordial” o magiliw asin bako plastic na tawo.
Sa pagbusisi kan panukalang pondo kan Office of the Vice President para sa masunod na taon, nagkapersonalan sinda Duterte asin Hontiveros makalihis masirip ni Hontiveros an mga paglalaanan kan pondo kan opisina kan bise presidente.
Pagkatapos kang mainit na diskusyon kan duwa, binalo ni Senador Alan Peter Cayetano na pagaanon an tensyon sa laog kan committee room asin sinabing mawot niyang magkaigwa nin sarong “cordial exchange”
Kinatigan man kan Senador na si Hontiveros na kinakaipuhan na maging magiliw.
Siring man, tulos na na-refer sa plenaryo kan Senado an 2025 proposed national budget kan OVP.
