Inapod ni Vice President Sara Duterte na “fishing expedition” ang mga bagong kasong kriminal na isinunad laban saiya katakod kan suboot salang paggamit nin P612 million confidential funds gikan sa Office Of the Vice President (OVP) asin sa Department of Education (DepEd).
Segun ki Duterte na an mga nagsunad nin kaso an nagsusumikap na “weaponize” ang mga akusasyon nganing magmukhang may legal na batayan an imbestigasyon.
Magigiromdomang kabale sa mga nagsunad nin kaso an mga lider kan civic society, mga grupo nin simbahan, asin mga anti-corruption advocate.
Inakusaran si VP Duterte nin plunder, bribery, malversation, asin graft makalihis an alegasyong pag-divert, salang paggamit asin pagtatago nin mga pondo.
Pagdoon kan opisyal na an mga bagong kaso an parte kan sarong mahewas na pamomolitika nganing i-discredit siya, asin ipigdoon na an tunay na obheto sana an itago an mga isyu nin plunder sa gobyerno.
Magigiromdoman na enot nang sinayumahan kan Korte Suprema kan Hulyo ang impeachment case laban ki VP Sara huli sa pagbalgar sa one-year bar rule.
Kun kaya padagos na ipinaglalaban kan Bise na an mga kasong ini an warang basehan asin obheto sana na patahimikon siya sa tahaw kan mga isyu kan katiwalian sa gobyerno.
