Suminampa sa panibagong rekord an utang kan gobierno na uminabot sa ₱16.75 trilyon kan Abril, susog sa datos kan Bureau of the Treasury.
Tuminaas ini nin ₱68.89 billion hale sa nakaaging bulan, alagad napabantol an pagtaas huli sa pagkusog kan piso laban sa dolyar.
An local debt, na nagbibilog sa 69.2% kan kabilugan, an nagtalubo nin 1.85% sa ₱11.59 trillion, kawsa kan halangkaw na demand sa government securities arug kan ₱300 bilyong benchmark bonds.
Mientrastanto, buminaba nin 2.68% an panluwas na utang sa ₱5.16 trilyon, kawsa kan pagbaba nin kantidad kan dolyar asin mas halangkaw na bayad kaysa sa inutang hale sa mga dayuhang nagpapautang.
Target kan administrasyon na mangutang nin ₱2.55 trilyon ngonian na taon nganing punan an piglalaomang budget deficit na ₱1.54 trilyon, katampad kan 5.3% ng GDP kan nacion.
