Padagos na pig-iimbestigaran ngunyan kan mga eskperto an nangyaring large-scale IT outage.
Apektado kaya kaini an nagkapirang mga nacion kaibanan na an Estados Unidos, United Kingdom asin Australia.
Sa presente rinibong mga biyahero an stranded sa mga erpuerto sa Estados Unidos makalihis na makanselar an mga flights.
Sa Parte man kan United Kingdom, nagkaigwa nin problema sa TV broadcast asin iba pang mga operasyon mantang apektado man an telecommunications sa Australia.
Huli sa nasabing global Microsoft outage, naapektaran man an mga flights magin sa Pilipinas.
Katakod kaini, nag-abiso man an mga bangko sa Pilipinas na nagkaigwa man nin epekto sa saindang mga online services.
