Pigtutulak kan US House Democrats an sarong imbestigasyon laban sa US Justice Department (DOJ) huli sa suboot tuyong pagtago nin mga dokumento na igwa nin mga sexual abuse claims laban ki US President Donald Trump.
Inakusaran kan mga Democrats gikan sa House Oversight Committee an administrasyon huli sa isyung ini.
Ini an nangyari makalihis na madiskobre na igwa nin labi 50 na pahina na nawawara sa naisapublikong Epstein Files.
An mga missing records soboot igwa nin mga notes asin summaries gikan sa FBI interviews kan 2019 sa sarong babae na nag-akusar ki Trump na inaabuso siya kan kabangaan kan mid-1980s kan siya an 13 sagkod 15 anyos pa sana.
Paorootrong pignegaran ni Trump an mga alegasyon.
Segun sa top Democrat kan komite na si Robert Garcia, mabukas sinda nin parallel investigation nganing bawion an mga dokumento.
Pigpaliwanag kan DOJ na dai ninda tinanggal an mga files.
An mga dai isinapublikong dokumento suboot an temporaryong hinale para sa mga redaksyon nganing maprotehiran an personal na impormasyon kan biktima, o pigkokonsiderar na mga privileged records.
 for allegedly deliberately withholding documents containing sexual abuse claims against US President Donald Trump.){kind=link}