LEGAZPI CITY-Abanse na sa round of 16 kan Women’s Tennis Association (WTA) 125 Birmingham Open si Pinay tennis star Alex Eala.
Ini makalihis na daugon niya si Priscilla Hon kan Australia sa score na 6-0 asin 6-2.
Sa enot na set, dominado ni Eala an kawat kun sain tinapos niya ini sa laog sana nin 22 minutos.
Pag-abot man kan ikaduwang set, nakabawi si Hon sa ranking 143 sa Women’s Tennis Association kun sain nahabol pa kaini an 5-0 na kalamangan ni Eala.
Dai man nagtubot digdi an Pinay tennis star na makua pa ni Hon an kapangganahan, kaya tinapos niya an kawat sa laog nin haros sarong oras.
Ini na an pantulong paghahampang kan duwa kun sain kan taong 2024, gana si Hon sa Ningbo Open asin gana naman si Eala sa enot na laban ninda kan Roehampton Open taong 2023.
Sunod na makakalaban ni Eala an sisay man na manggana sa pagultanan ninda Alina Charaeva asin Green Minnen.
