Tulo an gadan asin anom an irido sa nangyaring aksidente sa tinampo sa Maharlika Highway sa San Pablo City, Laguna.
Sa report kan Calabarzon Police Regional Office 4A, napag-araman na hale sa sarong gilid kan tinampo an driver kan sarong sports utility vehicle alagad dae nagpundo kan maglaog ini sa intersection kan Maharlika Highway sa Barangay Balubad kan Sabado nin aga.
Huli digdi, nakabangga an toong parte kan SUV sa nagdadangadang na pampasaherong bus pasiring sa Manila.
Huli man sa kusog kan impact kan banggaan, buminaligtad an SUV.
Nagsapo nin lugad sa saindang lawas an driver kan SUV asin an apat kaining pasahero na dinara sa San Pablo City district hospital kan mga rescuers.
Susog sa report, tolong lalaki na lunad kan SUV an binawian nin buhay, mantang an driver asin sarong babae padagos pang pigbubulong sa ospital.
Apat pang mga pasahero kan bus, kaiba an sarong taon na aking lalaki, an nagsapo nin menor na lugad.
