LEGAZPI CITY-Nagpaluwas nin Tsunami Warning Advisory an DOST-Philippine Institute of Volcanology and Seismology kasunod kan nanyaring linog sa parte kan Russia.
Kairiba sa mga pinag-iingat na an Albay, Catanduanes, Sorsogon, Camarines Sur, asin Camarines Norte.
Nagkansela naman nin klase sa Catanduanes kairiba an Agban Elementary asin Senior High School, Benticayan Elementary School, Putsan Danao Elementary School, Baras Central Elementary School, Moning Elementary School, Tilod Elementary School asin an Salvacion Elementary School.
Nagbabala man an National Disaster Risk Reduction and Management Council (NDRRMC) na dai magpasiring sa mga baybayon asin pigpapayuhan an mga nakatenir harani digdi na pansamantalang magrayo muna sa kagadagatan.
Sa presente, kalmado pa man an mga kadagatan.
Mientrastanto, nakaalerto na man an mga otoridad sa mga baybayon ngani magbantay sa presenteng sitwasyon sa mga kadagatan.
