Nagbaba an trust asin approval ratings ni Presidente Ferdinand “Bongbong” Marcos Jr. kan nakalihis na bulan nin Hunyo.
Base sa survey kan Pulse Asia, nagbagsak sa 52% an trust ratings kan Presidente hali sa dating 57% kan Marso.
Nagbaba man maging an approval ratings kaini na nasa 53% na sana hali sa dating 55%.
Alagad nagtitinir man giraray na magayon an ratings kaini huli ta pabor pa sa majority kan mga Pilipino
Para man kay Bise Presidente Sara Duterte, mas naglangkaw pa an saiyang approval asin trust ratings na parehong nagsakat sa 71% hali sa dating 67% asin 69%.
Mientras tanto, bagsak an ratings na nakua ni House Speaker Martin Romualdez na nasa 35% asin 31%.
Para man kay Senate Presidente Chiz Escudero, halangkaw an naging trust ratings kaini na nasa 69%.
