LEGAZPI CITY-Nagpatanid na si Prime Minister Jens-Frederik Nielsen kan Greenland manungod sa pagporbar ni US Presidente Donald Trump na pwersahang kontrolon an Arctic island.
Mas pinahigot ni Trump an pangapodan kan Estados Unidos ngani makuwa an Greenland poon ngonian na taon, kun sain pigtatawan doon an mga problemang kinakahampang kaini kaiba an Russia asin China.
Nagkapira man sa mga kaalyado sa Europa na kasapi kan North Atlantic Treaty Organization o (NATO) an dinepensaran an soberanya kan Denmark mantang padagos an pagtatao nin pressure ni Trump sa nasabing alyansa.
Magpoon kaya na mag-atras an US President sa pwersahang pagbabanta, pigsisierto man liwat niya an pagkontrol kan Estados Unidos sa Greenland susog sa suboot kasunduan sa NATO alagad nagtetenir na kwestyunable an mga detalye manungod digdi.
