LEGAZPI CITY—Sa ibong kan nagpapadagos na pagdugang sa presyo kan krudo sa nacion liwat na nangangapudan an transport group na Pagkakaisa ng mga Samahan ng Tsuper at Operator Nationwide (PISTON) na magkaigwa nin bigtime rollback sa presyo kaini nganing maski papano matugunan asin makatabang an kadikit na nakukuang ganansya sa pangangaipuhan kan saindang mga pamilya.
Segun ki PISTON President Mody Floranda, sa intrevista kan Bombo Radyo Radyo Legazpi, na kun talagang mawot na tabangan kan administrasyong Marcos an namamanwaan an dapat magpaluwas ini nin resolusyon na nagsususpinder sa naunambitang paghalangkaw kan presyo nin krudo.
Huli suboot sa nagpapadagos na paghalangkaw sa presyo kan krudo an maabot suboot sa labi P14,000 an nawawara sa ganansya kan mga driver sa saindang pamamasada na dapat na kutang nagagamit sa pangangaipuhan kan pamilya.
Dugang pa kaini na dapat tanggalon an value-added tax asin excise tax sa mga produktong petrolyo.
Magigiromdoman na segun sa Department of Energy-Oil Industry Management Bureau an nagpapakol sa labi P2.00 an nadudugang sa presyo kan krudo sa nacion ngonian na semana.
