LEGAZPI CITY – Ipigsuhestyon kan toxic watchdog group, na dapat uru-aldaw gibuhon an Earth Hour nganing mapangatamanan nin maray an kapalibutan.
Segun ki BAN Toxics campaigner Thony Dizon sa intrevista kan Bombo Radyo Legazpi na afuera sa pagprotehir sa salud kan mga konsymer laban sa mga ilegal asin kontaminadong produkto, igwa man sindang pag makulog sa kapalibutan.
Dapat urualdaw pigrurumdom an importansya kan earth hour bako sana kada bulan nin Marso kabaliktaran sa nakasanayan kan publiko na isagibo sana ini nin sarong bes sa kada taon.
Tawan man suboot nin pansin an kinaban asin kapalibutan sa manungod sa mga problema kaini partikulamente sa climate change, namamteang init, asin nagkukusugang bagyo kun kaya dapat sanang gibuhon na urualdaw an pagrumdom kaini.
Pigtaram pa kaini na kalimitang piggigibo kan mga nakikisumaro sa Earth hour iyo an pagpalsok kan saindang mga ilaw nin sagkod sarong oras nganing makatipid sa kuryente asin mabawasan dawa papano an pulusyon.
Parte man suboot sinda kan sarong mahiwasang kampanya nganing maibusol an sarong collectoral environmental agenda kun saen ipiglatag ninda an manlain-laing isyu katakod kan pano mapapangatamanan an kapalibutan.
Naririsa man kaini na kan nagpoon an kampanya an kadiit sana an pagkakataon na ipigtataram kan mga kandidato an saindang plataporma manungod ki Inang Kalikasan.
Nagmamawot man si Dizon na masasabay kan mga kandidato sa local positions an plataporma mapadapit sa kapalibutan huli ta sinda an nagigin implementator kaini sa saindang nasasakupan.
