LEGAZPI CITY – Ikinamundo kan toxic watchdog group na Ban Toxic an mga nahiling na mga basurang nakakalat asin nakatambak sa bisinidad kan mga kamposanto sa manlain-laing parte kan nacion.
Segun ki BAN Toxics Campaigner Thony Dizon sa intrevista kan Bombo Radyo Legazpi na dae man giraray nagbago an mga gawi kan Pilipino sa ibong kan saindang padagos na pagirumdom tuyong nagdadangadang an Undas.
Dapat suboot na magin masinop an mga Pilipino dapit digdi huli ta nakakadagdag ini sa mga basurang regular na pigkakahampang kan ordinaryong namamanwaan mantang importante na ipa-otob an mga regulasyon sa mga kamposanto sa mga arug kaining panahon.
Sa hiling niya man an dapat magin istrikto an mga manhamiento kan mga sementeryo mapadapit sa pagtapok nin basura kan mga cemetery goers sa tamang basurahan huli ta kadaklan sa mga basurang nahihiling iyo an mga patos kan mga pigdarang pagkakan asin inumon.
Pigtaram pa kan opisyal na kadaklan man sa mga sementeryong saindang nadumanan an kulang sa mga nakapaskil na pagirumdom mapadapit sa tamang gibuhon bilang pagrespeto sa mga nakahimlay.
Suhestyon niya man na maski may mga basurahan nang nakabugtak sa palibot kan mga kamposanto an dapat may naglilibot asin mabantay nganing mamantenir an kalinigan tuyong panahon kan undas.
Kadaklan man suboot sa mga basura an pwedesir magkawsa nin danyos sa kapalibutan urog na kun susuluon an mga ini.
Pagdoon ni Dizon na sa presenteng panahon an dapat pukawon an pansin kan cemetry goers asin namamahala sa kamposanto mapadapit sa pagtapok kan basura sa tamang laganan huli ta sarong bes sana kada taon pig-oobserba an undas.
