LEGAZPI CITY-Ipighayag ni newly elected Metro Manila Council (MMC) President na si San Juan City Mayor Francis Zamora na madidifisilan an gobierno na maipaotob an total ban sa street parking sa mga tinampo sa Metro Manila.
Segun kay Zamora, madidifisilan na maghanap nin parking an mga behikulo maski igwang mga inner roads kung tuluyan nang ipagbawal an street parking sa bilog na kamaynilaan.
Kaipuhan suboot na igwang paglalaagan an mga behikulo asin motoristang matatamaan kan parking ban partikular na kadakol na an nagpapaotob kaini sa metrowide.
Dagdag pa ni Zamora na sa presente, palagian na an pagpaotob kan pagbabawal kan street parking sa mga main roads, mga kakalsadahan na nakakadanas nin traffic congestion asin magin sa Mabuhay lanes alagad sa parte kan mga inner roads na harayo na sa epekto kan trapiko, pwedisir na suboot maparadahan kan mga behikulo.
Tinawan doon man kan opisyal na igwang sadiring ordinansang ipigpapaotob an mga ciudad sa National Capital Region (NCR) na siyang dapat sunudon kan mga namamanwaan kaini mantang igwang manlain-lain na demographics an mga ciudad kung kaya madidifisilan sa implementasyon kan total ban.
Mientrastanto, masairarom sa hararom asin mabusising pagaadal an mga nagin suhestiyon hale sa mga pagpupulong asin magkakaigwa man nin pinal na memorandum an Department of Interior and Local Government (DILG) katuwang an iba pang ahensiya pagabot kan bulan nin Setyembre.
