Sinuspinder kan Department of Interior and Local Government (DILG) an duwang Sangguniang Kabataan (SK) officials sa Makati makalihis maimbwelto sa mga alegasyon nin korapsyon.
Binisto kan DILG an mga sinuspinder na SK officials na sinda Natalia Georgianna Tupaz kan Barangay Dasmariñas asin Cecilia Louise Yabut kan Barangay Magallanes, Makati City.
Si Tupaz an sinuspinder nin anom na bulan makalihis suboot maghagad nin 20% kickback hali sa supplier para sa sarong Halloween project.
An mga alegasyon an suportado nin Viber messages asin phone call records.
Pigkokonektar man sinda sa suboot pamemeke nin pirma sa sarong SK resolution.
Mantang sa Yabut man an sinuspinder nin tulong bulan makalihis suboot magsumiter nin mga dokumentong may peke o bako otorisadong pirma, kaibanan an pirma kan sarong SK kagawad na nasa abroad kan panahon na ito.
Segun ki Interior Secretary Jonvic Remulla, posibleng mahampang si Tupaz sa mga kasong direktang panunuhol, pagbayolar sa Republic Act No. 3019, asin falsification of public documents sa Office of the Ombudsman.
Bukas man an Bombo Radyo Philippines para sa lado asin pahayag kan duwang imbwelto na SK officials.
